Saturday , 18 November 2017

Home » खबर खास » हरियाणा मैं एंडी की दस्तक, नौकरी का न्योंदा

हरियाणा मैं एंडी की दस्तक, नौकरी का न्योंदा

December 16, 2016 9:52 am by: Category: खबर खास 4 Comments A+ / A-

andy-haryana

ए वन तहलका हरियाणा इस चैनल नै हरियाणा आळे शायद ही इब तक भूले हों, यो समाचार अर मनोरंजन का इसा चैनल था जिसकी मसूहरियां नै भी लोग चाव तै देख्या करदे। हरियाणा मैं तहलका कै ताण खबरां का खखाटा अर रागनी गीतां का झरणाटा ठाण आळे हरविंद्र मलिक एक बै फेर हरियाणा मैं डूंडा ठाण खात्तर त्यार हैं। पर इस बार चैनल फूल टू मनोरंजन का होगा। इसका नाम भी एंडी है। एंडी मतलब बढ़िया आळा एंडी मतलब धांसू मतलब अनिल कपूर आळा झक्कास हरियाणा खास आळा खास। चैनल का दावा है के वो बणैगा संगीत, संस्कार अर संस्कृति का सही ठिकाणा, चैनल का नाम है एंडी हरियाणा।
andy-haryana-1

हरविंद्र मलिक ने सोशल मीडिया पर आमंत्रित करे आवेदन

सोशल मीडिया पै चैनल के होली सोली हरविंद्र मलिक नै क्रिएटिव लोगां तांहि चैनल मैं भर्ती होण का न्यौंदा भी दिया है। ए वन तहलका चैनल बोहत थोड़ै टेम म्हं लोगां के दिल पै छा ग्या था। मेरा सौभाग्य उस चैनल तै जुड़ण का अर आप सब तै राम राम कहण का भी रह्या है। आज भी किते गाम गुहांड रिश्तेदारी मैं चल्या जाऊं हूं तो लोग कह हैं आं रै तू तो ओये है जो तहलका पै ख्यंडका बांधकै हरियाणवी मैं खबर सुणाया करदा। उम्मीद है एंडी हरियाणा भी हरियाणा आळ्यां की उम्मीदां पै खरा उतरैगा अर साफ सुथरै मनोरंजन व हरियाणा की सांस्कृतिक विरासत नै बचाण का काम करैगा।

andy-jobsकोण-कोण चहिये

चैनल नै चलाण तांहि जो लोग चहियें उनमैं प्रोग्रामिंग एडिटर, प्रोमो एडिटर, प्रोग्रामिंग प्रोड्यूसर, क्रिएटिव राइटर, मोशन ग्राफिक डिजाइनर, कैमरामैन, एंकर, आईटी एग्जीक्यूटिव, नेटवर्क इंजीनियर, पैनल प्रोड्यूसर, साऊंड रिकॉर्डिस्ट, इन्फोकास्टर ऑपरेटर, फ्रंट ऑफिस एग्जीक्यूटिव, म्यूजिक डायरैक्टर आदि के नाम हैं। अत: जो भी भर्ती होणा चांहदा हो आपणी
जन्मपत्री लेकै पोंहचो।

योग्यता के चहिये

बंदा काम का अर कला का कीड़ा होणा चाहिये, जूणसी क्हान (साइड/फिल्ड/क्षेत्र) जाण का जी करदा हो उसकी बढ़िया जानकारी जरुरी है। अनुभवशाली हो तो सोनै पै सुहागा, सणंदा (सर्टिफिकेट) की पूछ इतणी मायने नी राखदी पर हों तो और भी बढ़िया।

हरियाणा मैं एंडी की दस्तक, नौकरी का न्योंदा Reviewed by on . ए वन तहलका हरियाणा इस चैनल नै हरियाणा आळे शायद ही इब तक भूले हों, यो समाचार अर मनोरंजन का इसा चैनल था जिसकी मसूहरियां नै भी लोग चाव तै देख्या करदे। हरियाणा मैं ए वन तहलका हरियाणा इस चैनल नै हरियाणा आळे शायद ही इब तक भूले हों, यो समाचार अर मनोरंजन का इसा चैनल था जिसकी मसूहरियां नै भी लोग चाव तै देख्या करदे। हरियाणा मैं Rating: 0

Comments (4)

  • Master Rohit Yadav

    A valuable start harvinder malik ji

  • kamlesh bhartiya

    harwinder malik ko andy andy badhai. naye chennel ke liye.

  • -Narender malhan

    Badhai ho malik sahib chanel me ese content rakhna ke 36 biradri is ko apna samjhe

  • Ashok Sharma

    Malik Ji jab se chanel aaya hai mera to ye samjho time pas sahi ho raha hai mai Greater Noida Kasna me rahta hu jaisa ki narender bhai ne bataya bas vaisa hi mera vichar hai ji ye jaati dharm se door rakhna (Ashok Sharma Jainawas Bhiwani Hr.)

Leave a Comment

scroll to top