Saturday , 25 November 2017

Home » साहित्य खास » किसने किया हरियाणा की संस्कृति का भट्ठा गोळ

किसने किया हरियाणा की संस्कृति का भट्ठा गोळ

हरियाणवी संस्कृति के नाम पर परोसी जा रही फूहड़ता के खिलाफ जगदीप सिंह की हरियाणवी कविता

July 12, 2016 10:29 am by: Category: साहित्य खास Leave a comment A+ / A-

 

इन दिनों सपना चौधरी डांसर मामले ने एकाएक वर्तमान गायकों द्वारा मंच पर परोसी जाने वाली फूहड़ता की ओर भी लोगों का ध्यान आकर्षण किया है। कुछ कलाकार संस्कृति के नाम पर अश्लील गाने पेश करते हैं हालांकि यह परंपरा बिल्कुल नई भी नहीं कही जा सकती लेकिन इसमें बदलते दौर के साथ बदलाव भी आयें हैं। इन अश्लील गायकों और लेखकों की एक बानगी इस हरियाणवी कविता के जरिये आप भी देखिये….

jagdeep

 

इन गावणियां की बदमाशी का आज पाटग्या तोल भाई

हरियाणे की संस्कृति का कर दिया भट्ठा गोळ भाई

 

सांग के म्हं सांग का भाई मनै भी एक सांग देख्या

भजनी बणकै गाण लागरया पियें सुल्फा भांग देख्या

गाणा बजाणा सही आवै ना पाड़ें न्यारी छांग देख्या

अपणी धुनां नै छोड कै फिल्मी की पकड़ें टांग देख्या

अपणी धुनां की या नास की राही मैं कहूं बजाकै ढ़ोल भाई

हरियाणे की संस्कृति…..

HARYANVI ALBUM

 

आज पैसा ही पैसा सब कुछ होग्या सारे इसनै चाह्वैं सैं

पिसै की खातिर स्टेज कै ऊपर भूंडे गीत सुणावैं सैं

ल्याह्ज शर्म का बीज रह्या ना ना बड्डा छोटा लखावैं सैं

इसे ए श्रोता म्हारे होगे जो भूंडा सुणना चाह्वैं सैं

ज्यब ये ढूंगे मटकावैं सैं थम जिनका करो मखौल भाई

हरियाणे की…….

 

राजे राणी पराणी कहाणी न्यू ए बात बके जां सैं

जिसनै सुणकै पब्लिक म्हारी रुके मार छ्यके जा सै

म्हारी बात को कहता कोन्या पराणे खयालात धक्के जां सैं

इनकी आड़ मैं म्हारे आज के मौजूदा हालात ल्हूके जां सैं

न्यूं ए दिन-रात बके जां सैं ये मारैं खामखां बोल भाई

हरियाणे की संस्कृति…….

 

स्याणे माणस कहगे भाई लकीर पीटणा ठीक नहीं

आपणा भूलै ओर का सीख इसा सीखणा ठीक नहीं

किसे की समझ मैं आवै ना इसा भी लिखणा ठीक नहीं

गाणा बजाणा आवै ना तै ऊंवें चीखणा ठीक नहीं

जगदीप सिंह कह मेरी बात की ना करियो टाळ मटोळ भाई

हरियाणे की संस्कृति….

किसने किया हरियाणा की संस्कृति का भट्ठा गोळ Reviewed by on .   इन दिनों सपना चौधरी डांसर मामले ने एकाएक वर्तमान गायकों द्वारा मंच पर परोसी जाने वाली फूहड़ता की ओर भी लोगों का ध्यान आकर्षण किया है। कुछ कलाकार संस्कृति   इन दिनों सपना चौधरी डांसर मामले ने एकाएक वर्तमान गायकों द्वारा मंच पर परोसी जाने वाली फूहड़ता की ओर भी लोगों का ध्यान आकर्षण किया है। कुछ कलाकार संस्कृति Rating: 0

Leave a Comment

scroll to top