Friday , 24 November 2017

Home » खबर खास » कांग्रेस खाट पै आप खूंटै पै

कांग्रेस खाट पै आप खूंटै पै

September 11, 2016 6:53 pm by: Category: खबर खास Leave a comment A+ / A-

khoonta-gaad-aap

चलो कांग्रेस नै यूपी मैं खाट ठाई ठीक इसका तो मतलब भी बणै है के भै यूपी मैं इलैक्शन आण आले हैं। पर हरियाणा मैं तो इबे लोवै धोरै इलैक्शन भी कोनी यू आप नै खूंटा किसा गाड्या। किते पिछलै इलैक्शन मैं आप आल्यां के जो खूंटे पाट्टे थे उननै गाडण की कोये नई भूमिका तो नहीं बणाई जा री, एक बात और जयहिंद का रोहतक अर कैप्टन साहब आपणे वित्तमंत्री… तै पराणा नाता है। किते यू खूंटा खूंदक का तो नहीं गाड्या जा रह्या। चलो जो भी है आपांनै के आपणी तो गां (गाय) खूंटै पै आण लाग री है।

आपणे मुखमंत्री खट्टर साहब नै भी ऊं तो कसर तो छोड़ नी राखी गऊ माता तांहि सम्मान देण की। बणी बणाई बिरायनी लोगां की प्लेट मैं तै काढ़ कै चैक करवाली हैं कहवैं तो हैं तो के लैबोरेटरी जमा एक नंबर की है बाकि चाळै की बात तो या है के माणसां के टैस्ट होण मैं बेसक कई-कई म्हीने लाग ज्यांदे हों पर पके होये पशु मांस की जांच करण के सारे साधन पुख्ता हैं। खैर कह्या करैं के चढ़ै तवै पै सारे रोटी सेकण की करया करैं… अर राजनीति मैं तो जळदै चूल्है पै बिरयानी तक सेंक ले हैं। खैर गां राजनीतिक मजबूती खातर जब इतनी जरुरी हो रही है तो आपणे जयहिंद जी पिछे क्यों रहें। वरना तो गाय की चिंता उन्हें अब ही क्यों सताने लगी।

गाय की दुर्दशा को भी उनके नेतृत्व में आम आदमी पार्टी ने सेल्फी विद काऊ के जरिये लाने का अभियान चलाया। इब इसनै राजनीति नहीं तो और क्या कहा जा। किसनै नी बेरा के गऊ माता का के हाल है। बेशक मुख्यमंत्री जी नै अभयारण्य बणा दिये हों पर गां का असली अभयारण्य तो इबे शहरां की रोड़ अर गाम की गाळ हैं। लोग तड़के सांझ धार ले हैं काढ़ फेर वें गां फिरे जां है सून्नी। गामां मैं तो फेर भी थोड़ी ब्होत कसर रहज्या है कोये बासी कूसी रोटी, अर कोए धर्म-कर्म कै चक्कर मैं न्यार (चारा) की छाबड़ी (टोकरी) गऊ तांहि गेर भी दे हैं पर शहरां मैं तो वा कूड़ै कै ढेर पै तै भूखी मरदी पोलिथिन तक खाण पै मजबूर हो ज्या है।

पर इब आम आदमी पार्टी नै खूंटा गाडणा शुरु कर दिया है उम्मीद है सारे मंत्री संत्रियां कै घर खूंटा गाड कै को सुन्नी गां बचगी तो कम तै कम सारे कार्यकर्ता एक एक गां तो आपणै घरां भी बांधैगें। बाकि आम आदमी पार्टी ज्यब आई ज्यब लागै तो न्यू था के यें जमे जमाये खूंटे पाड़ैंगें पर ये तो खूंटे ठोकण पै ए लाग रे हैं। भाजपा के नक्से कदम पै जै आप चालण लगगे तो आप मैं अर भाजपा मैं कसर के रहगी।

कांग्रेस खाट पै आप खूंटै पै Reviewed by on . चलो कांग्रेस नै यूपी मैं खाट ठाई ठीक इसका तो मतलब भी बणै है के भै यूपी मैं इलैक्शन आण आले हैं। पर हरियाणा मैं तो इबे लोवै धोरै इलैक्शन भी कोनी यू आप नै खूंटा कि चलो कांग्रेस नै यूपी मैं खाट ठाई ठीक इसका तो मतलब भी बणै है के भै यूपी मैं इलैक्शन आण आले हैं। पर हरियाणा मैं तो इबे लोवै धोरै इलैक्शन भी कोनी यू आप नै खूंटा कि Rating: 0

Leave a Comment

scroll to top